Isang Pagninilay sa Poong Mahal

Source: YouTube

Sa gitna ng ingay nakita Kita

Duguan at pagod sa pagpapasan ng dala.

Ako ma’y banyaga, nakaramdam ng awa.

Sa kalupitang dinanas mo sa kamay ng mga may gawa.

(Source: Passion of the Christ movie)

 Nawala sa paningin ko ang imahe ng Iyong pagdurusa

Naiwan naman ang bakas ng pawis at dugo sa natuyong lupa

Sinunod ko ang kalbaryo ngunit makipot ang daang ito

Natatanging lungkot at pighati nasa puso ko.

Sino Ka at ako ay binihag Mo?

Sino ako para ako’s tawagin Mo?

Isang Hentil anupama’t wala sa lahi mo

Ngunit natali sa mga titig Mo.

Christ on the Cross by Joachim Beuckelaer

Sa tuktok ng Golgota sa ilalim ng araw

Tila naghihintay ang mga taong nakatayo sa malayo

Hindi ko maisip, di ko matanggap

Sa gitna ng ingay, tahimik Kang nakabitin, tila nagdadasal sa nagaganap.

Ang titig mo ang nangungusap ng pagibig na wagas

At sa paanan mo ang dalawang Mariang nagluluksa

Tila di batid ang gulong kabila—

Lait at poot sa mga nakapakong may sala.

Lumapit ako sa mga babaeng nagluluksa

Di upang makiramay ngunit para umusisa

Ikaw na nasa bingit ng kamatayan ay—

Magaganap ang utos ng matagal ng hinintay.

Source: YouTube

Sa isang sandal Ika’y lumingon sa ‘kin

Bumukas sa isip ko ang  propesiyang magaganap

Hindi sila, kung KAMI ang Iyong sinagip

Na sa kamatayan Mo lamang na matutupad.

Christ of St. John of the Cross by Salvador Dali

Isang malalim na buntong hininga at Ika’y napayuko

Sa kabila ng kadiliman sa puso ng lahat.

Bumukas ang telon ng langit sa mga taong marangal

Kami’y Iyong niligtas, Poong Mahal!